ქართველი ჩოგბურთელი ნიკოლოზ ბასილაშვლი დიდი სლემის ტურნირზე კიდევ ერთხელ იასპარეზებს. მსოფლიოს 128-ე ჩოგანი უიმბლდონის ძირითად ბადეში მოხვდა.
საკვალიფიკაციო ეტაპის ფინალურ სტადიაზე ბასილაშვილი არგენტინელ ფიჩოვიჩს დაუპირისპირდა და ოთხ სეტში, 1:6 7:5 6:2 6:1 დაამარცხა.
პირველი წარუმატებელი სეტის შემდეგ, ბასილაშვილმა მეორე სეტი მოიგო, რის შემდეგაც მატჩი წვიმის გამო ცოტა ხნით შეწყდა.
განახლებულ მესამე სეტში ქართველი სრულ უპირატესობას დაეუფლა, ფავორიტის სტატუსი გაამყარა და უიმბლდონის ძირითად ბადეში მოხვდა, სადაც მისი მეტოქე მალე გახდება ცნობილი.
