ბრაზილიის ეროვნული ნაკრების მთავარმა მწვრთნელმა, კარლო ანჩელოტიმ, მედიასთან ნეიმარის შესახებ ისაუბრა.
"ნეიმარი? მის თაობაზე გადაწყვეტილება უკვე მიღებული გვაქვს — ის ჩვენთან დარჩება და იმედს ვიტოვებთ, რომ მაროკოსთან მატჩისთვის სამატჩო განაცხადში მოხვდება. თუ ეს ვერ მოხერხდება, მის დაბრუნებას მომდევნო შეხვედრაში დაველოდებით. სხვა დასამატებელი არაფერია.“
შეგახსენებთ, ნეიმარის ტრავმასთან დაკავშირებით ახალი ინფორმაცია რამდენიმე დღის წინ გავრცელდა, როდესაც გაირკვა, რომ გამოცდილ ფეხბურთელს მოედანზე დაბრუნებამდე დაახლოებით 2-3 კვირა დასჭირდებოდა. მიუხედავად ამისა, როგორც ჩანს, კარლო ანჩელოტი 34 წლის ვარსკვლავს კვლავ ენდობა და მისი მსოფლიო ჩემპიონატის განაცხადიდან ამოღება არ განიხილება.
