გუშინ ღამით NBA-ის პლეი-ოფის 1/4 ფინალური ეტაპის კიდევ ორი მატჩი გაიმართა, სადაც მაყურებელმა ფილადელფია სიქსერსი vs ნიუ იორკ ნიქსის და მინესოტა ტიმბერვულვზი vs სან ანტონიო სპურსის დაპირისპირებები იხილა.
როგორც მოსალოდნელი იყო, ნიუ იორკ ნიქსმა ფილადელფია სიქსერსი მეოთხე მატჩშიც დაამარცხა და სერია ანგარიშით 4-0 დახურა.
Xfinity Mobile Arena-ზე გამართული მატჩი კვლავ სტუმარი გუნდის სრული დომინაციით წარიმართა, რაც მატჩის ბოლოს ტაბლოზეც კარგად აისახა 114-144. შევხედრის MVP მაილს მაკბრაიდი გახდა, რომლის ანგარიშზეც 25 ქულა და 4 მოხსნა იყო.
ნიუ იორკ ნიქსის მომდევნო მეტოქე დეტროიტ პისტონსი-კლივლენდ კავალიერსის წყვილში გაირკვევა, სადაც ამ მომენტისთვის ანგარიში 2-1 არის.
ფილადელფია სიქსერსი vs ნიუ იორკ ნიქსის მატჩის მიმოხილვა
პლეი-ოფის კიდევ ერთი მატჩი მინესოტაში გაიმართა, სადაც ადგილობრივი ტიმბერვულვზი სან ანტონიო სპურსს დაუხვდა და სერიაში ანგარიში გაათანაბრა, 2-2.
მაყურებელმა საკმაოდ დაძაბული და სანახაობრივი მატჩი იხილა, რომელიც საბოლოო ჯამში 114-109 დასრულდა. პარკეტზე საუკეთესო ენტონი ედვარდსი იყო, რომელმაც 36 ქულა ჩააგდო, 6 მოხსნა შეასრულა და 2 პასითაც გამოიჩინა თავი.
სერიის მეხუთე მატჩი სან ანტონიოში გაიმართება, კერძოდ 13 მაისს, თბილისის დროით 04:00 საათზე.
მინესოტა ტიმბერვულვზი vs სან ანტონიო სპურსის მატჩის მიმოხილვა
