მინესოტა ტიმბერვულვზმა სერიაში ანგარიში 2-0 გახადა. კრის ფინჩის გუნდმა დენვერ ნაგეტსი მარტივად, 80:106 დაამარცხა. მესამე მეოთხედის გარდა, მინესოტა თავიდან ბოლომდე დიდ უპირატესობას ფლობდა, რაც საბოლოო ჯამში ანგარიშშიც აისახა.
მატჩის MVP ენტონი ედვარდსი გახდა. 22 წლის ამერიკელმა 27 ქულა ჩააგდო, 2 მოხსნა შეასრულა და 7 შედეგიანი პასიც გააკეთა.
სერიის მესამე შეხვედრა უკვე მინესოტაში გაიმართება. მატჩი 11 მაისს, თბილისის დროით 05:30 საათზეა ჩანიშნული.
სერიის პირველი მატჩი გაიმართა მედისონ სქვერ გარდენ არენაზე, სადაც ადგილობრივმა ნიუ იორკ ნიქსმა, მძიმე ბრძოლაში ინდიანა პეისერსი 121:117 დაამარცხა. მაყურებელმა საკმაოდ სანახაობრივი მატჩი იხილა, სადაც ნიქსმა გადამწყვეტი უპირატესობა ბოლო მეოთხედში მოიპოვა.
პარკეტზე საუკეთესო ჯალენ ბრანსონი იყო, რომელმაც 43 ქულა მოუპოვა საკუთარ გუნდს. ამის გარდა ამერიკელმა 6 მოხსნაც შეასრულა და 6 შედეგიანი გადაცემაც მიითვალა.
სერიის მეორე მატჩი ისევ ნიუ იორკში გაიმართება - 9 მაისს, თბილისის დროით 04:00 საათზე.
