პარკეტზე საუკეთესო დევინ ბუკერი იყო, რომელმაც სანსს 49 ქულა მოუპოვა, თუმცა ეს გამარჯვებისთვის საკმარისი არ აღმოჩნდა. მინესოტადან გამორჩეული მოთამაშე, ენტონი ედვარდსი იყო - 40 ქულა, 9 მოხსნა და 6 პასი.
პლეიოფის მომდევნო ეტაპზე მინესოტას მეტოქე, დენვერ ნაგეტსსა და ლოს ანჯელეს ლეიკერს შორის გამარჯვებული იქნება.
სერიაში ანგარიშის გათანაბრება მოახერხა ლოს ანჯელეს კლიპერსმა, რომელმაც გასვლაზე, დალას მავერიქსი 111:116 დაამარცხა. ამერიკან ეარლაინსის ცენტრში შეკრებილმა მაყურებელმა, საკმაოდ დაძაბული მატჩი იხილა.
მატჩის MVP კაირი ირვინგი გახდა, რომელმაც 40 ქულა ჩააგდო, 7 მოხსნა შეასრულა და საკუთარი გუნდელები 5 პასითაც მოამაგარა. რაც შეეხება კლიპერსიდან გამორჩეულ მოთამაშეს, გუნდს პოლ ჯორჯმა ულიდერა - 33 ქულა, 6 მოხსნა, 8 პასი.
სერიის მეხუთე მატჩს უკვე კლიპერსი უმასპინძლებს. შეხვედრა 2 მაისს, თბილისის დროით 06:00 საათზე გაიმართება.
ინდიანა პეისერმა სერიაში მნიშვნელოვანი უპირატესობა მოიპოვა. რიკ კარლისლის გუნდმა მილუოკი ბაქსი დამაჯერებლად, 126:113 დაამარცხა.
პარკეტზე საუკეთესო მაილს ტერნერი იყო, რომელმაც ბაქსს 29 ქულა ჩაუგდო. ასევე, 28 წლის ამერიკელის ანგარიშზე 9 მოხსნა და 4 შედეგიანი გადაცემაც იყო. რაც შეეხება ბაქსიდან გამორჩეულ კალათბურთელს, ბრუკ ლოპესმა საკუთარ გუნდს 27 ქულა მოუპოვა, თუმცა ეს გამარჯვებისთვის საკმარისი არ აღმოჩნდა.
სერიის მეხუთე თამაშს უკვე მილუოკი უმასპინძლებს. ფისერვ ფორუმ არენაზე მატჩი 1 მაისს, თბილისის დროით 05:30 საათზე გაიმართება.
საინტერესო და დაძაბული მატჩი ვიხილეთ უელს ფარგო ცენტრში, სადაც ფილადელფია სიქსერსი მძიმე ბრძოლაში, ნიუ იორკ ნიქსთან დამარცხდა. ტომ ტიბოდეუს გუნდმა 92:97 გაიმარჯვა და სერიაში კომფორტული უპირატესობაც შეიქმნა, 1-3.
პარკეტზე საუკეთესო ჯალენ ბრანსონი იყო - 47 ქულა, 4 მოხსნა და 10 პასი. სიქსერსიდან კარგი მატჩი ჩაატარა ჯოელ ემბიდიმ, რომელმაც საკუთარ გუნდს 27 ქულა მოუპოვა.
სერიის მეხუთე დაპირისპირებას მედისონ სქვერ გარდენი უმასპინძელბს. შეხვედრა 1 მაისს, თბილისის დროით 03:00 საათზე გაიმართება.
