გამართული სამი შეხვედრიდან, ყველაზე დაძაბული ნიუ იორკ ნიქსი-ფილადელფია სიქსერსის მატჩი აღმოჩნდა. ნიკ ნურსის გუნდმა მეტოქის დამარცხება ოვერტაიმში მოახერხა, 106:112. მედისონ სქვერ გარდენზე შეკრებილმა მაყურებელმა, პლეიოფის სტადიის ერთ-ერთი საუკეთესო მატჩი იხილა.
პარკეტზე საუკეთესო ტაირიზ მაქსი იყო, რომელმაც 46 ქულა ჩააგდო, 5 მოხსნა შეასრულა და გუნდელები 9 პასითაც მოამარაგა. ნიქსიდან გამორჩეული მოთამაშე ჯალენ ბრანსონი იყო, რომელმაც საკუთარ გუნდს 40 ქულა მოუპოვა.
სერიის მე-6 მატჩს უკვე ფილადელფია უმასპინძელბს. შეხვედრა 3 მაისს, თბილისის დროით 00:00 საათზე გაიმართება.
საოცრად დაძაბული მატჩი გამოდგა კლივლენ კავალიერსი-ორლანდო მეჯიქიც, სადაც გამარჯვება მასპინძელ გუნდს დარჩა, 104:103. როქეთ მორტგეიჯის ბინადარმა გუნდმა, სერიაში დაწინაურება მოახერხა.
მატჩის MVP პაოლო ბანკერო გახდა, რომელმაც 39 ქულა ჩააგდო, 8 მოხსნა შეასრულა და 4 პასიც მიითვალა. კლივლენდს კი დონოვან მიჩელმა ულიდერა - 28 ქულა, 6 მოხსნა, 2 პასი.
სერიის მე-6 შეხვედრა ორლანდოში გაიმართება, 4 მაისს, თბილისის დროით 00:00 საათზე.
ყველაზე გვიან მილუოკი ბაქსი-ინდიანა პეისერსის მატჩი გაიმართა, სადაც რიკ კარლისლის გუნდმა მარტივი გამარჯვება მოიპოვა, 115:92. ფისერვ ფორუმ ცენტრის ბინადარმა, ამ გამარჯვების შემდეგ, სერიაში ინდიანას უპირატესობა მინიმუმამდე შეამცირა.
შეხვედრაში საუკეთესო კალათბურთელი კრის მიდლტონი იყო, რომელმაც 29 ქულა მოუპოვა საკუთარ გუნდს.
სერიის მომდევნო შეხვედრა ინდიანაში გაიმართება. მატჩი 3 მაისს, თბილისის დროით 00:00 საათზე ჩატარდება.
![[VIDEO] მამუკელაშვილის ეფექტური ჩატენვა გოლდენ სტეიტთან და აღფრთოვანებული დონჩიჩი!](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUmzhUm2InhVo7Dl21gAvk38J4XDQ0xwC.png&w=3840&q=75)
