ბოსტონ სელტიქსმა საკუთარ არენაზე მეორე შეხვედრის მოგება ვეღარ მოახერხა. თიდი გარდენზე შეკრებილმა მაყურებელმა, საკმაოდ დაძაბული მატჩი იხილა, სადაც გამარჯვება სტუმარ გუნდს დარჩა, 94:118.
ჯონ-ბლეირ ბიკერსტაფის გუნდიდან საუკეთესო დონოვან მიჩელი იყო, რომელმაც 29 ქულა ჩააგდო, 7 მოხსნა შეასრულა და 8 შედეგიანი პასიც გააკეთა. ბოსტონიდან კარგი მატჩი ჰქონდა ჯეისონ ტატუმს - 25 ქულა, 7 მოხსნა, 6 პასი.
სერიის მესამე მატჩს უკვე კლივლენდი უმასპინძლებს. შეხვედრა 12 მაისს, თბილისის დროით 04:30 საათზე დაიწყება.
სერიაში ანგარიშის გათანაბრება დალას მავერიქსმაც მოახერხა - ჯეისონ კიდის გუნდმა ოკლაჰომა სიტი თანდერი 110:119 დაამარცხა და მესამე მატჩის წინ, კარგი განწყობაც შეიქმნა.
მატჩის MVP, შაი გილგეუს-ალექსანდერი გახდა, რომელიც უბრალოდ შეუჩერებელია - 33 ქულა, 12 მოხსნა, 8 პასი. კანადელი ამ სეზონში ერთ-ერთი საუკეთესოა. დალასს კი ლუკა დონჩიჩმა ულიდერა, სერბის ანგარიშზე 29 ქულა, 10 მოხსნა და 7 შედეგიანი გადაცემა იყო.
სერიის მესამე შეხვედრას დალასი უმასპინძლებს. ამერიქან ეარლაინ ცენტრში შეხვედრა 11 მაისს, თბილისის დროით 23:30 საათზე გაიმართება.
