თარგეთ ცენტრში შეკრებილმა მაყურებელმა ძალიან კარგი მატჩი იხილა, სადაც მოგება ორივე გუნდს შეეძლო. ოთხივე მეოთხედის განმავლობაში, პარკეტზე უმაღლესი დონის კალათბურთი მიმდინარეობდა.
მატჩის MVP ენტონი ედვარდსი გახდა, რომელმაც 44 ქულა ჩააგდო, 5 მოხსნა შეასრულა და 5 შედეგიანი პასითაც მოამარაგა გუნდელები, თუმცა ეს გამარჯვებისთვის საკმარისი არ აღმოჩნდა. დენვერს, რა თქმა უნდა, ნიკოლა იოკიჩმა ულიდერა - 29 წლის სერბმა საკუთარ გუნდს 35 ქულა მოუპოვა.
სერიის მეხუთე მატჩი უკვე დენვერში გაიმართება - 15 მაისს, თბილისის დროით 06:30 საათზე.
კიდევ ერთი საოცარი მატჩი გაიმართა ინდიანაპოლისში, სადაც ადგილობრივმა პეისერსმა ნიუ იორკ ნიქსი უბრალოდ გაანადგურა და სერიაში ანგარიში გაათანაბრა. რიკ კარლისლის გუნდმა საკმაოდ მარტივი და დამაჯერებელი გამარჯვება მოიპოვა, 121:89.
პარკეტზე ნიქსის მხრიდან საუკეთესო ალეკ ბურქსი იყო, რომელმაც 20 ქულა ჩააგდო, 5 მოხსნა შეასრულა და 2 პასითაც გამოიჩინა თავი. ინდიანას კი ტაირიზ ჰალიბარტონმა ულიდერა - 20 ქულა, 6 მოხსნა, 5 პასი.
სერიის მეხუთე მატჩს მედისონ სქვერ გარდენი უმასპინძლებს. შეხვედრა 15 მაისს, თბილისის დროით 04:00 საათზე გაიმართება.
![[VIDEO] მამუკელაშვილის ეფექტური ჩატენვა გოლდენ სტეიტთან და აღფრთოვანებული დონჩიჩი!](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FUmzhUm2InhVo7Dl21gAvk38J4XDQ0xwC.png&w=3840&q=75)
![[VIDEO] გოგა ბითაძის შესანიშნავი მატჩი კლივლენდ კავალიერსთან](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FzXJS73kW6E5kIn8sD00FNdsv4DUoJiqZ.jpg&w=3840&q=75)
