დალასის მხრიდან პარკეტზე საუკეთესოები ლუკა დონჩიჩი და კაირი ირვინგი იყვნენ. ამერიკელმა 30 ქულა ჩააგდო, სერბმა მოთამაშემ კი საკუთარ გუნდს 28 ქულა მოუპოვა.
დალას მავერიქსის მომდევნო მეტოქე ოკლაჰომა სიტი თანდერი იქნება. სერია 8 მაისს, თბილისის დროით 05:30 საათზე დაიწყება.
ძალიან საინტერესო მატჩი გაიმართა კია ცენტრ არენაზე, სადაც ორლანდო მეჯიქმა მძიმე ბრძოლაში მოახერხა და კლივლენდ კავალიერსი დაამარცხა. ტაბლოზე ანგარიში 103:96 დაფიქსირდა. ჩვენ წინ გველოდება მე-7 მატჩი, სადაც საბოლოოდ გაირკვევა ვინ გავა 1/4 ფინალში.
მაყურებელმა საოცარი მატჩი იხილა, პარკეტზე საუკეთესო კი დონოვან მიჩელი იყო, რომელმაც, არც მეტი არც ნაკლები, 50 ქულა ჩააგდო, 4 მოხსნა შეასრულა და 4 შედეგიანი პასითაც მოამარაგა გუნდელები. ამ გიჟური სტატისტიკის მიუხედავად, კლივლენდმა გამარჯვება მაინც ვერ მოახერხა.
ორლანდო მეჯიქს კვლავ პაოლო ბანკერომ ულიდერა - 27 ქულა, 8 მოხსნა, 4 პასი.
სერიის ბოლო მატჩი კლივლენდში გაიმართება - 5 მაისს, თბილისის დროით 21:00 საათზე.
