მიუხედავად იმისა, რომ კასანო ხვიჩა კვარაცხელიასადმი კარგადაა განწყობილი და მისი გულშემატკივარია, გუნდის მიმართ კრიტიკას მაინც არ მოერიდა.
"ნაპოლი არ თამაშობს ლამაზ ფეხბურთს. ჩვენ ვერასდროს ვუწოდებთ ლამაზს, რასაც ისინი თამაშობენ ხოლმე. ფეხბურთელები ინდიელებივით დარბიან და კონტეს მათი ბოლომდე გაწურვა უყვარს.
მათ ვერ მოიგეს იუვესთან, კალიარისთან კი მერეტის სასწაულები რომ არა, არავინ იცის რა მოხდებოდა. ახლა ისინი პირველ ადგილზე არიან. წელს მეექვსე პოზიცია რომ დაიკავონ, უკვე პროგრესია", - განაცხადა კასანომ.
მოგეხსენებათ, 6 ტურის შემდეგ ნაპოლის 13 ქულა აქვს და იტალიის ჩემპიონატს ერთპიროვნულად ლიდერობს.
