ნაპოლი სერია ა-ს საჩემპიონო ბრძოლაში მილანის ინტერს უკვე სამი ქულით ჩამორჩება. სამხრეთული გუნდი იტალიის ჩემპიონატს ლიდერობდა მთელი პირველი წრის მანძილზე, მაგრამ მეორე წრეში "პარტენოპეის" თამაშში აშკარა დაღმასვლა შეინიშნება. გასათვალისწინებელია ისიც, რომ სეზონის მეორე ნახევრის დასაწყისში "ლურჯებმა" ხვიჩა კვარაცხელია გაყიდეს.
განვიხილოთ, თუ რამდენი ქულა დაკარგა "აძურიმ" თავისი ქართველი ლიდერის წასვლის შემდეგ. ათვლის წერტილად შეგვიძლია მოვინიშნოთ 17 იანვარი - დღე, როდესაც მარადონას ბინადრების ექს-ვინგერის პარის სენ-ჟერმენში ტრანსფერი გაოფიციალურდა. მისმა ყოფილმა კლუბმა მეორე დღეს სტუმრად მოუგო ბერგამოს ატალანტას და იქმნებოდა ისეთი შთაბეჭდილება, თითქოს ანტონიო კონტეს არაფერი დაუკარგავს.
ნაპოლიმ "ლა დეას" მოგვიანებით მიაყოლა ტურინის იუვენტუსიც, რითაც ზემოთხსენებული მოსაზრება კიდევ უფრო განმტკიცდა. კოშმარი დაიწყო თებერვლის დასაწყისში და ის ახლაც გრძელდება: "პარტენოპეიმ" ბოლო 7 მატჩში მხოლოდ ერთხელ მოიგო. საქართველოს ეროვნული გუნდის მე-7 ნომრის წასვლის შემდეგ, "ლურჯებმა" სულ რაღაც 11 ქულა მოაგროვეს.
ეს გამოდგა საკმარისი იმისთვის, რომ "ნერაძურის" დიეგო მარადონას ბინადრები პირველი ადგილიდან ჩამოეგდო. დღეს, მოქმედ ჩემპიონსა და მის უახლოეს მდევარს, კონტეს გუნდს შორის სხვაობა არის 3 ქულა, ცოტა ხნის წინ კი პირიქით იყო. გამოდის რომ 24 წლის ვინგერის წასვლით, სამხრეთულმა კლუბმა მართლაც ბევრი დაკარგა.
Serie A
ნაპოლი კვარას წასვლის შემდეგ: კრიზისი, დაკარგული პირველი ადგილი და უიმედობა
