25 წლის მეკარე ნაკრებთან ერთად ევროპის ჩემპიონატზე მესამე მეკარედ იყო წასული, ჩემპიონატის დასრულების შემდეგ ის ბერძნულ პანსერაიოკოსს შეუერთდა.
გუგეშაშვილმა ახალი სეზონი საოცრად დაიწყო და მიუხედავად იმისა, რომ მისი გუნდი გოლებს უშვებს, ყველა შეხვედრაში თავის კლუბში საუკეთესოა და უმაღლეს შეფასებებს იღებს.
დღეს, საბერძნეთის ჩემპიონატში პანსერაიოკოსი ფავორიტ პანათინაიკოსს დაუპირისპირდა და 3:1 დამარცხდა. მეტოქემ კარში 20-ჯერ დაარტყა. გუგეშაშვილმა კი ერთ მატჩში 17 სეივი გააკეთა, რაც რეკორდული მაჩვენებელია.
გუგეშაშვილი ერთ თამაშში საშუალოდ 5 სეივზე მეტს აკეთებს, ეს კი მთლიან ჩემპიონატში საუკეთესო შედეგია. ასე რომ, ნაკრების კარი საიმედო ხელშია და ამ პოზიციაზე პრობლემა საერთოდ არ გვაქვს.
