მწვერვალ უშბაზე ექსპედიციის დროს ტრაგიკულად დაიღუპა ალპინისტი ნიკოლოზ ფალიანი.
ნიკოლოზ ფალიანი გამორჩეული იყო ალპინისტი და ასევე სამთო გიდი იყო.
სვანეთში სამაშველო ღონისძიებასთან დაკავშირებით, საგანგებო სიტუაციების მართვის სამსახური ოფიციალურ ინფორმაციას ავრცელებს:
„საგანგებო სიტუაციების მართვის სააგენტოში შემოსული ინფორმაციის საფუძველზე, სვანეთში, უშბის მთაზე ქვეითად გადაადგილდებოდა ოთხი პიროვნება, რომელთაგან ერთ-ერთი მათგანი გადავარდა სიმაღლიდან. უმოკლეს დროში მეხანძრე-მაშველების მიერ მოხდა ძებნა-შველის ღონისძიების დაგეგმვა და თბილისიდან გაფრინდა სასაზღვრო პოლიციის ვერტმფრენი, საგანგებო სიტუაციების მართვის სამსახურის განსაკუთრებულ სიტუაციებზე რეაგირების ჯგუფთან ერთად. მეხანძრე-მაშველების მიერ 3 600 მეტრის სიმაღლეზე, სამაშველო ღონისძიების ფარგლებში მოხდა სამი პიროვნების უვნებლად აყვანა ვერტმფრენში და გარდაცვლილი პიროვნების ცხედრის ნახვა. გარდაცვლილი მამაკაცის ცხედარი ჩასვენებულია მესტიაში“, – ნათქვამია საგანგებო სიტუაციების მართვის სამსახურის განცხადებაში.
lagazzetta.ge ღრმა მწუხარებას გამოხატავს მომხდარის გამო და უსამძიმრებს ნიკოლოზ ფალიანის ოჯახს, ახლობლებსა და კოლეგებს.
