ნაპოლიდან პარის სენ-ჟერმენში გადასვლასთან ერთად, ხვიჩა კვარაცხელიამ სათამაშო ნომერიც შეიცვალა. შეგახსენებთ, რომ იტალიურ გუნდში ახალგაზრდა ქართველი ვინგერი თამაშობდა 77-ე ნომრით, პსჟ-ში კი მან მისთვის ჩვეული 7-იანი აიღო. ის შედის აღნიშნული ნომრით მოთამაშე ყველაზე ძვირადღირებულ მოთამაშეთა 5-ეულში.
პარიზელთა შემტევის სატრანსფერო ღირებულება არის 85 მილიონი ევრო და მას უსწრებს მხოლოდ ორი ფეხბურთელი - ვინისიუს ჟუნიორი (200 მილიონი ევრო) და ბუკაიო საკა (150 მილიონი ევრო). შემდეგ მოდის სწორედ "ლურჯ-წითლების" მე-7 ნომერი, რომელიც მე-3 და მე-4 პოზიციებს ლუის დიასთან ერთად იყოფს.
1. ვინისიუს ჟუნიორი (რეალ მადრიდი) - €200 მილიონი
2. ბუკაიო საკა (არსენალი) - €150 მილიონი
3. ხვიჩა კვარაცხელია (პარის სენ-ჟერმენი) - €85 მილიონი
4. ლუის დიასი (ლივერპული) - €85 მილიონი
5. ომარ მარმუში (მანჩესტერ სიტი) - €60 მილიონი