მსოფლიოს საკლუბო ჩემპიონატი ახალი ფორმატით 2025 წლის ზაფხულში ჩატარდება. ტურნირი ამერიკის შეერთებულ შტატებში ჩატარდება და მონაწილეობას 32 გუნდი მიიღებს, საიდანაც 31 ვინაობა უკვე ცნობილია.
დარჩენილია ერთი ვაკანტური ადგილი, რომელსაც ლიბერტადორესის თასის გამარჯვებული მიიღებს. ცნობილია ფინალისტების ვინაობა — ბოტაფოგოსა და ატლეტიკო მინეიროს შორის გამარჯვებული მსოფლიოს საკლუბო ჩემპიონატზე ითამაშებს.
ჯგუფური ეტაპის წილისყრა 5 დეკემბერს გაიმართება, სადაც 32 გუნდი 8 ოთხგუნდიან ჯგუფში განაწილდება.
გთავაზობთ იმ გუნდების ვინაობას, რომლებმაც ტურნირის საგზური უკვე მოიპოვეს.
ევროპა: რეალ მადრიდი, ჩელსი, მანჩესტერ სიტი, პსჟ, პორტო, ინტერი, ატლეტიკო მადრიდი, ზალცბურგი, ბაიერნი, ბენფიკა, დორტმუნდი, იუვენტუსი;
აზია: ალ ჰილალი, ალ აინი, უსლან ჰიუნდაი, ურავა რედ დაიმონდსი;
აფრიკა: ალ აჰლი, ესპერსანსი, ვიდადი, მამელოდი სუნდონსი;
ჩრდილოეთ ამერიკა: ინტერ მაიამი, სიეტლი, მონტერეი, პაჩუკა, ლეონი;
სამხრეთ ამერიკა: ფლამენგო, ფლუმინენსე, პალმეირასი, რივერ პლეიტი, ბოკა ხუნიორსი, ატლეტიკო მინეირო ან ბოტაფოგო;
ოკეანეთი: ოკლენდ სიტი;
ჯგუფებში გუნდები სამ შეხვედრას ჩაატარებენ, საიდანაც პირველ და მეორე ადგილზე გასულები მერვედფინალში ითამაშებენ. 1/8 ფინალიდან ტურნირი პლეი-ოფის სისტემით გაგრძელდება.
მსოფლიოს საკლუბო ჩემპიონატი სტარტს 2025 წლის 15 ივნისს აიღებს, ფინალი კი 13 ივლისს გაიმართება.
მსოფლიოს საკლუბო ჩემპიონატი — ყველაფერი რაც განახლებული ტურნირის შესახებ უნდა ვიცოდეთ
