ფრანგული პრესა ლოთარინგიელთა ლიდერის გმირობებს ასე იხსენებს:
"პლეიოფში მან პირველად 20 წლის ასაკში გაიბრწყინა, სერენში თამაშის დროს. ბევერენის წინააღმდეგ მიქაუტაძემ გაიტანა 3 ბურთი და გააკეთა ერთი ასისტი, ეს საკმარისი გამოდგა იმისთვის, რომ "შავ-წითლები" იუპილერ ლიგაში აღზევებულიყვნენ.
მეორეჯერ კი ჟორჟმა ლიეჟელები იხსნა გავარდნას, როდესაც მოლენბეკს გამარჯვების მომტანი გოლი გაუტანა. სადაც ორჯერ, იქაც - მესამედ", - წერს ფრანგული პრესა.
შეგახსენებთ, რომ საფრანგეთის უმაღლესი დივიზიონის საგზურისთვის ბრძოლა 2-მატჩიანი იქნება. პირველი თამაში გაიმართება დღეს, საპასუხო კი 2 ივნისს.
