"ქომაგებმა უნდა გააცნობიერონ ის ფაქტი, რომ ბარსელონას ფინანსური მდგომარეობა მძიმეა. არ გვაქვს იმის ფუფუნება, რომ ვიყიდოთ ის მოთამაშე, რომელიც გვინდა.
რეალი და სხვა ევროპული ტოპ კლუბები ბევრად კარგ ფინანსურ მდგომარეობაში არიან. ამ საკითხზე მისაუბრია ლაპორტასთან და დეკუსთანაც. რთული მდგომარეობაა, მაგრამ ვეცდებით ფონს გასვლას იმ რესურსით, რაც გაგვაჩნია", - აცხადებდა ესპანელი თავკაცი.
ეს არ არის პირველი შემთხვევა, როდესაც პრიმერას ტოპ კლუბი თავის დამრიგებელს მწვავე კომენტარის შემდეგ უშვებს.
1999 წელს, მადრიდის რეალმა მსგავს ვითარებაში ჯონ ტოშაკი გაათავისუფლა. სეზონის შუა პერიოდში, როდესაც ესპანური გრანდი ჩამოქვეითდა მერვე პოზიციამდე, უელსელმა დამრიგებელმა თავისი გუნდის რამდენიმე მოთამაშე საჯაროდ მწვავედ გააკრიტიკა. ყველაზე მეტად დაზარალდა "სამეფო კლუბის" სათადარიგო კარის დარაჯი, ალბანო ბისარი.
"ბლანკოსის" იმდროინდელმა პრეზიდენტმა, ლორენსო სანსმა დაუყოვნებლივ მოითხოვა ბოდიშის მოხდა, რაზეც გუნდის მწვრთნელმა განაცხადა:
"სანტიაგო ბერნაბეუს თავზე მფრინავი ღორების გამოჩენა უფრო რეალურია, ვიდრე ჩემი მხრიდან ბოდიშის მოხდა".
ტოშაკი მეორე დღესვე გაუშვეს კლუბიდან. ესპანური Marca ამ ფაქტს კი ასე გამოეხმაურა:
