ამ და სხვა თემებზე სამეფო კლუბის მთავარმა მწვრთნელმა კარლო ანჩელოტიმ ამომწურავად ისაუბრა.
კილიან მბაპეზე:
"მბაპე რეალში ცუდად თამაშობს? - ამას არ ვეთანხმები. კილიანმა სადებიუტო თამაშშივე გოლი გაიტანა. აუცილებელი არ არის ყველა მატჩში გაიტანოს, მთავარია შეტევა იყოს ძლიერი. ჩვენ პირველ 3 მატჩში 6 გოლი გავიტანეთ, რაც კარგი შედეგია და ყველა შემტევის თამაშით კმაყოფილი ვარ. მბაპეს სურს, რომ შემდეგ მატჩში გოლი გაიტანოს და ვფიქრობ, ეს გამოუვა."
სანაძლეო ფედე ვალვერდესთან:
"ფედეს ხუმრობით სანაძლეო დავუდე, რომ ის 30 გოლს გაიტანს. ვალვერდეს განვითარების გზით მოხიბლული ვარ. ის ნამდვილი ლიდერია და მოხარული ვარ, რომ ასეთი ფეხბურთელი მყავს გუნდში."
მჭიდრო კალენდარზე:
"როცა ჩემპიონთა ლიგა დაიწყება, კვირაში 3-ჯერ თამაში გვექნება, ამიტომ ხშირი როტაცია საჭიროა. მე კი მყავს ფეხბურთელები, რომლებსაც ვენდობი და როტაციის პრობლემა არ გვაქვს."
ცენტრალური მცველის პოზიციაზე:
"ჩემი აზრით, ამჟამად მილიტაო კარიერაში საუკეთესო ფორმაშია. რუდიგერთან ერთად ის დაცვის ცენტრში კარგ დუეტს ქმნის. დავიდ ალაბამ ვარჯიში განაახლა და მალე დაგვიბრუნდება. ამ პოზიციაზე პრობლემა ნაკლებად გვაქვს."
ჩუამენის შედარება კროოსთან:
"ჩუამენი რეალისთვის მნიშვნელოვანი ფეხბურთელია და მოედანზე დიდ სამუშაოს ასრულებს. კროოსი სხვა სტილის ფეხბურთელი იყო. მას ტონის ვერ შევადარებ, ისევე, როგორც კროოსს - ჩუამენის."
