მატჩის დასრულების შემდეგ რუბენ ამორიმმა მედიასთან ისაუბრა:
"ასეთი თამაში მიუღებელია. ჩვენ შეგვიძლია ვითამაშოთ კარგი ფეხბურთი, მაგრამ ამას არ ვაკეთებთ. ჩვენ ვნერვიულობთ და ვიღებთ უაზრო გოლებს, შემდეგ კი ძნელია სიტუაციის შემობრუნება. ბრაიტონი კომფორტულად თამაშობდა, ჩვენ კი ვერაფერი დავუპირისპირეთ მათ. ფეხბურთელები იტანჯებიან, გულშემატკივრები იტანჯებიან... ამისთვის ბოდიშს ვიხდი.
ყოველთვის თავდაჯერებულები უნდა ვიყოთ. თუ მოედანზე საკუთარი თავის რწმენით არ გახვალ, სასურველ შედეგს ვერ მივიღებთ.
ჩვენ ალბათ ყველაზე ცუდი გუნდი ვართ მანჩესტერ იუნაიტედის ისტორიაში. ვიცი, პრესას კარგი სათაურები, რომ გინდათ, სწორედ ამიტომ გეუბნებით ამას. ეს უნდა ვაღიაროთ და რაღაც შევცვალოთ, ასე გაგრძელება არ შეიძლება."
