აღსანიშნავია, რომ მამარდაშვილი მიმდინარე სეზონში ლა ლიგაში საუკეთესოა იმით, რომ მან ყველაზე მეტჯერ გადაარჩინა საკუთარი გუნდი გაშვებულ გოლს, იგულისხმება სიტუაციის განმუხტვაც.
კერძოდ, ამ სეზონში ვალენსიას კარში სულ 131-ჯერ დაურტყეს, საიდანაც მოსალოდნელი გოლი 43.7 იყო, გაშვებული გოლი 34 (ავტოგოლების გამოკლებით). შესაბამისად, ქართველმა მეკარემ სიტუაცია 9.7-ჯერ განმუხტა, რაც გამორჩეული შედეგია.
ამასთანავე, მამარდა გახდა მეკარე, რომელამც ზედიზედ 69-ჯერ დაიწყო ძირითად შემადგენლობაში თამაში, რაც ბოლო წლებში ასევე გამორჩეული მაჩვენებელია.
მიმდინარე წელს, ახალგაზრდა მეკარეს 3 პენალტი აქვს მოგერიებული. მსგავსი შედეგი მხოლოდ იუნაი სიმონსს აქვს დაფიქსირებული. მამარდაშვილი წარდგენილია თვის საუკეთესო 23-წლამდე ფეხბურთელებს შორისაც.
ფაქტია, მამარდაშვილი უკვე განვითარდა, გაიზარდა და მზადაა ტოპ გუნდში სათამაშოდ, რისი შანსიც ზაფხულში კიდევ უფრო რეალური გახდება.
