ამასთან დაკავშირებით, ქეცბაიამ კომენტარი თავად გააკეთა და განაცხადა, რომ გადაწყვეტილი ჯერ არაფერია.
"მალე გაირკვევა, დავინიშნები თუ არა მოზერველის მთავარ მწვრთნელად და ამას თქვენც მალე გაიგებთ. ველოდები, რა იქნება.
კვიპროსის ნაკრებიდან წასვლის შემდეგ, შემოთავაზება საქართველოდან და საბერძნეთიდან მქონდა, თუმცა უარი ვთქვი. საბერძნეთში გუნდის სამართავად არასდროს დავბრუნდები.
კვიპროსში მიღწეული წარმატებების შემდეგ, ვფიქრობ, ევროპის ტოპ ჩემპიონატში მუშაობა დავიმსახურე, თუმცა ამის საშუალება არ მომეცა. როგორც ჩანს, კვიპროსულ ფეხბურთს დიდ ყურადღებას არ აქცევენ და პრობლემა ესაა", - განაცხადა ქეცბაიამ.
