ამ სტატიაში გავიხსნებეთ ნაპოლიში ხვიჩა კვარაცხელიას მნიშვნელოვან ინდივიდუალურ მიღწევებსა და საგოლე მოქმედებებს, რაც 2022 წლიდან დღემდე დაგროვდა.
ქართველმა ფეხბურთელმა სერია ა-ში სადებიუტო გოლი პირველივე მატჩში გაიტანა, როდესაც ნაპოლი ჰელას ვერონას გასვლაზე დაუპირისპირდა. შეხვედრა 2022 წლის 15 აგვისტოს გაიმართა. ამ მატჩში კვარამ გოლის გარდა, საგოლე გადაცემაც მიითვალა. ამ მატჩიდან გუშინდელ ტურამდე, ქართველმა ფეხბურთელმა სერია ა-ში კიდევ 27 გოლის გატანა მოახერხა და 22 საგოლე გადაცემითაც გამოიჩინა თავი.
ხვიჩა კვარაცხელიამ ჩემპიონთა ლიგაზე სადებიუტო გოლი აიაქსს გაუტანა, როდესაც მისმა ნაპოლიმ გასვლაზე, 1:6 გაიმარჯვა. ამ შეხვედრაში ქართველ ფეხბურთელს საოცარი პერფორმანსი ჰქონდა და გატანილი გოლის გარდა, საგოლე გადაცემითაც გამოიჩინა თავი, როდესაც გუნდის კაპიტანს, ჯოვანი დი ლორენცოს გაატანინა. ამ მატჩის შემდეგ, ქართველმა ფეხბურთელმა ჩემპიონთა ლიგაზე კიდევ 16 მატჩში მიიღო მონაწილეობა, რა დროშიც 1 გოლი გაიტანა და 4 საგოლე გადაცემაც შეასრულა.
ხვიჩა კვარაცხელიას ნაპოლიში თამაშის დროს, ბევრი ინდივიდუალური მიღწევა დაუგროვდა. ქართველი ფეხბურთელი სერია ა-ს თვის საუკეთესო ფეხბურთელი 4-ჯერ გახდა, რაც პაულო დიბალასთან ერთად საუკეთესო შედეგია. მსგავსი მიღწევა სხვა არც ერთ ფეხბურთელს არ აქვს. რაც შეეხება 2022/23 სეზონს, ქართველი ფეხბურთელი სეზონის MVP გახდა!
რაც შეეხება ჩემპიონთა ლიგას, ქართველი ფეხბურთელი მატჩის საუკეთესო ფეხბურთელად 2-ჯერ დასახელდა, თუმცა ევროპის ყველაზე პრესტიჟულ ტურნირზე მთავარი აღიარება მაინც ის არის, რომ ქართველი ვინგერი 2022/23 სეზონის საუკეთესო ახალგაზრდა ფეხბურთელად დაასახელეს.
ხვიჩა კვარაცხელიამ ნაპოლისთან ერთად მხოლოდ ერთი, თუმცა საკმაოდ მნიშვნელოვანი ტიტული მოიგო. ნაპოლი იტალიის ჩემპიონი 2022/23 სეზონში გახდა და ისტორიაში ამ ტიტულს მესამეჯერ დაეუფლა. ქართველმა ფეხბურთელმა სკუდეტოს მოპოვებაში ძალიან დიდი წვლილი შეიტანა.
სტატიის ბოლოსკენ გთავაზობთ ქართველი ფეხბურთელის მთლიან სტატისტიკას ნაპოლიში:
ჩატარებული მატჩი: 100;
გატანილი გოლი: 30;
გატანილი გოლი: 30;
საგოლე გადაცემა: 28.
იხილეთ ჩვენი პოდკასტის მორიგი ეპიზოდი
