"ნაპოლის მხრიდან მინდა გამოვარჩიო პოლიტანო და კვარაცხელია, რომლებმაც წარმოუდგენელი სამუშაო გასწიეს. წინ და უკან 80 მეტრის მუდმივად სირბილი, თანაც ასე დაუღალავად და თავდადებით. ხვიჩა დაცვაში იყო უშეცდომო, მეტოქეებს არ აძლევდა დროს და სივრცეებს უზღუდავდა", - განაცხადა ყოფილმა იტალიელმა ფორვარდმა.
შეგახსენებთ, რომ ქართველმა გარემარბმა მიმდინარე სეზონში ჩაატარა 14 შეხვედრა, გაიტანა ხუთი გოლი და ორი საგოლე გადაცემა გააკეთა. მისი ზოგადი სტატისტიკა "პარტენოპეიში" კი ასეთია: 102 მატჩი, 30 ბურთი და 28 ასისტი.
