ჩვენთვის როგორც ცნობილია, ნაპოლი ქართველ ფეხბურთელს ხელფასის სახით თითქმის €5-6 მილიონს სთავაზობს, კვარაცხელიას წარმომადენლები კი €8 მილიონს ითხოვენ. განიხილება კონტრაქტის 2029 წლამდე გახანგრძლივება და ასევე, გამოსასყიდი თანხის ჩაწერაც. ფეხბურთელის მხარე გამოსასყიდ თანხაზე თანახმაა, თუმცა ეს თანხა არ უნდა აღემატებოდეს €80 მილიონს, რაზეც ნაპოლი უარს აცხადებს. "პარტენოპეის" სურვილია, რომ კვარაცხელიას ხელშეკრულებაში გამოსასყიდი თანხა დაახლოებით €100-120 მილიონი ჩაიწეროს. კვარაცხელიას ნაპოლისთან ამჟამინდელი კონტრაქტი 2027 წლამდე აკავშირებს.
დღევანდელი შეხვედრის შემდეგ გაირკვა, რომ ორივე მხარის სურვილია შეთანხმება შედგეს და ახალი კონტრაქტი გაფორმდეს, შესაბამისად, დიდი შანსია რომელიმე მხარე გარკვეულ დათმობაზე წავიდეს. უახლოეს პერიოდში ხვიჩა კვარაცხელიას კონტრაქტის თაობაზე უფრო მეტი სიახლე გახდება ცნობილი.
იხილეთ ჩვენი პოდკასტის მორიგი ეპიზოდი
