"ის ამაღლებული განწყობა, რომელიც ახლა სუფევს ნაპოლიში, სპალეტის საჩემპიონო სეზონში იყო. დააკვირდით, თუ ვის ჩაეხუტა კვარაცხელია გოლის შემდეგ? ძირითადში მოსახვედრად მის ერთ-ერთ კონკურენტს, კერძოდ, ნგონგეს, რომელსაც სერია ა-ს მიმდინარე სეზონში პრაქტიკულად არ უთამაშია. ხვიჩამ გოლი სწორედ სირილს მიუძღვნა.
ჩემი აზრით, "პარტენოპეი" რომ მიიღებს კარგ შეთავაზებას, ქართველი გარემარბი სხვა გუნდში გადავა. ამავდროულად, მას მოქმედი კონტრაქტი 2027 წლამდე აქვს გაფორმებული. ქომაგებს ვურჩევ, რომ უგულშემატკივრონ სამხრეთელთა მოთამაშეებს, მაგრამ არ შეიყვარონ ისინი, იმიტომ, რომ ფეხბურთი ასეთია: ფეხბურთელები მთელ კარიერას ერთ გუნდში იშვიათად ატარებენ", - განაცხადა DAZN-ის ჟურნალისტმა.
