"როცა გუნდში მივედი, ისეთი არეული სიტუაცია იყო, ყველას წასვლა უნდოდა. მე კი მათ მოტივაცია მივეცი, რომ დარჩენილიყვნენ და ბრძოლა გაეგრძელებინათ.
ხელმძღვანელები მთხოვდნენ, რომ სათამაშო დრო ყველასთვის მიმეცა, ხოლოდ როცა ოსიმენს და კვარაცხელიას ვცვლიდი და ისინი ბრაზდებოდნენ, მენეჯმენტი ამაზე ხმას არ იღებდა და მათ არავინ არაფერს ეუბნებოდა.
მინდოდა, რომ ოსიმენს და ზიელინსკის ახალი კონტრაქტი გაეფორმებინათ და დარჩენილიყვნენ, თუმცა ესეც არ დამცალდა. შემეძლო, გუნდი ევროტურნირებზე გამეყვანა.
უბრალოდ, არ მყავდა სტაბილური მცველი და ნახევარმცველი, რომელიც თამაშს დაალაგებდა. მაგალითად, ახლა ნაპოლი კარგ შედეგებს იმიტომ აფიქსირებს, რომ ბონჯორნო და მაკტომინაი ჰყავთ", - განაცხადა გარსიამ.
