გავლენიანი ფრანგული გამოცემა L'Equipe კვარაცხელიას განვლილ ერთ თვეს აჯამებს და რამდენიმე საინტერესო ფაქტს აღნიშნავს.
მიუხედავად იმისა, რომ ხვიჩას ნიჭი ეჭვგარეშეა, ქართველს მაინც უწევს ლიგა 1-ის მოთხოვნების და ლუის ენრიკეს მიერ დაწესებული თამაშის სტილის შეგუება.
პროგრესული და კონტროლირებადი ადაპტაცია. მიუხედავად განვლილ თამაშებში რამდენიმე უზუსტობისა, პარიზელი პერსონალი მისი პირველი ნაბიჯებით კმაყოფილია და თვლის, რომ კვარას სრული პოტენციალის ათვისება დროის საკითხია.
თავის მხრივ, ლუის ენრიკე კვარაცხელიას სრულ თავისუფლებას აძლევს და ურჩევნია, კლუბის ტემპს მხარი თავისით, ინდივიდუალურად აუბას.
გონიერი, მაგრამ ამბიციური ადამიანი - კვარაცხელია თავის თავზე მუშაობით და ბევრი შრომით ნელ-ნელა გახდება გასახდელში გუნდის ცენტრალური ფიგურა. ის გასახდელში თავის თანაგუნდელებთან საკმაოდ თავმდაბალია, კლუბის პერსონალთან კი თავაზიანი.
მიუხედავად სერია ა-ში მიღწეული წარმატებებისა, ხვიჩამ თავადაც იცის, რომ პარიზში ყველაფერი თავიდან იწყება და თავისი შრომისმოყვარეობით პსჟ-ში ახალი ისტორია უნდა დაწეროს.
