ნაპოლის ახალგაზრდა ფეხბურთელმა ჯენარო ლაცარინომ, რომელიც ამ კლუბის საკუთრებაა, თუმცა სერია ც-ს კლუბშია განათხოვრებული, ხვიჩა კვარაცხელაის შესახებ ისაუბრა.
"ჩემთვის დიდი პატივი იყო, რომ ნაპოლიში დიდი ფეხბურთელების გვერდით ვვარჯიშობდი და ანტონიო კონტესთან ერთად მიწევდა მუშაობა.
ვფიქრობ, კვარაცხელია საუკეთესო მოთამაშე იყო, ვინც მინახავს. მასთან ახლოს ყოფნის საშუალება მომეცა და ამას ამიტომ ვამბობ. ისე კი, ზიელინსკის და მერეტსაც გამოვარჩევდი", - განაცხადა ახალგაზრდა ფეხბურთელმა.
შეგახსენებთ, რომ კვარაცხელიამ ნაპოლი ზამთრის სატრანსფერო ფანჯრის დროს დატოვა და პსჟ-ში გადავიდა, სადაც ერთბაშად 3 ტიტულის მოგების შანსი აქვს.