"კვარაცხელია ნაპოლის დაემუქრა ფიფას მე-17 მუხლის გამოყენებით და ისე წავიდა. კლუბი იძულებული იყო ის გაეყიდა რაც შეიძლება სწრაფად, წინააღმდეგ შემთხვევაში "პარტენოპეი" მიიღებდა სულ რაღაც 10 მილიონს, რაც კლუბს უდიდეს ზარალს მიაყენებდა. რატომ არ შეეძლო ხვიჩას სეზონის ბოლომდე მოცდა? ქართველ ვინგერთან ერთად, "ლურჯები" სკუდეტოს მოიგებდნენ", - განაცხადა მწერალმა.
რას გულისხმობს ფიფას მე-17 მუხლი? აღნიშნული წესის თანახმად, 28 წლამდე ასაკის ფეხბურთელს გუნდში გადასვლიდან სამი წლის შემდეგ, შეუძლია მოქმედი კონტრაქტის გაწყვეტა და კლუბის დატოვება. მოთამაშემ ამისთვის უნდა შეასრულოს 3 პირობა: პირველი - აცნობოს გუნდს ეს ყველაფერი ბოლო ჩატარებული მატჩიდან 15 დღის შემდეგ.
მეორე - მას ეკრძალება იმავე ლიგის გუნდში გადასვლა უახლოესი ერთი წლის განმავლობაში. მესამე - ის გადაუხდის თავის ამჟამინდელ კლუბს კომპენსაციას ობიექტური კრიტერიუმების ფარგლებში. ზოგადად, აღნიშნულ წესს იშვიათად მიმართავენ, რადგან მოთამაშეს არასდროს აწყობს თავისი კლუბისთვის კომპენსაციის გადახდა, მაგრამ როდესაც გამოუვალი მდგომარეობაა, ფეხბურთელს შესაძლოა სხვა გზა აღარ დარჩეს.
