როგორც ინგლისური მედია იუწყებდა, მატჩის დასრულების შემდეგ, გუნდის გასახდელში სერიოზული დაძაბულობა იყო — მთავარ მწვრთნელ რუბენ ამორიმს საკმაოდ ხმამაღალი სიტყვით გამოსვლა ჰქონდა, რასაც ერთ-ერთი ეკრანის დამსხვრევაც კი მოჰყვა. გასახდელში ხმაური და დაძაბულობა რამდენიმე წუთს გაგრძელდა. სიტუაციის განმუხტვა ბოლოს სტაფის წევრებს მოუწიათ.
რუბენ ამორიმი მანჩესტერ იუნაიტედში 2024 წლის 11 ნოემბრიდან მოყოლებული მუშაობს. ამ დროში გუნდმა 15 მატჩი ჩაატარა, საიდანაც მხოლოდ 6 მოიგო, 2 ფრედ დაასრულა და 7 შემთხვევაში დამარცხდა. "წითელი ეშმაკები" მომდევნო შეხვედრას რეინჯერსთან, ევროპა ლიგის ეგიდით, 23 იანვარს გამართავენ.
