ცნობილი ჟურნალისტი, ვალტერ დე მაჯო მიიჩნევს, რომ ანტონიო კონტე ქართველი გარემარბისთვის რაღაც ახალს ამზადებს, უფრო კონკრეტულად კი სწორედ მარჯვენა ფლანგზე თამაშს.
"დარწმუნებული ვარ, რომ კონტე მომავალშიც გამოცდის 4-2-3-1 სქემას, კვარასა და ნერესს კი ფლანგებს გაუცვლის. ხვიჩა ითამაშებს მარჯვნივ, დავიდი კი - მარცხნივ", - განაცხადა იტალიელმა ჟურნალისტმა.
აქვე დავამატებთ, რომ ქართველ გარემარბს თავისი კარიერის განმავლობაში მარჯვენა ფლანგზე ჩატარებული აქვს 14 შეხვედრა, რომელშიც მან ორი გოლი და ერთი ასისტი გაიფორმა. "პარტენოპეის" შემდეგი მეტოქე იქნება მონცა, მატჩი გაიმართება 29 სექტემბერს, ჩვენი დროით 22:45 საათზე.
