მადრიდის ატლეტიკოს არგენტინელი თავდამსხმელი ხულიან ალვარესი კვლავ საფეხბურთო სამყაროს ეპიცენტრშია.
ამჯერად, ალვარესმა მადრიდულ კლუბს ექიმის ცნობა წარუდგინა, სადაც დადასტურებულია, რომ მას დეპრესია აქვს.
ამის გამო, ალვარესმა ატლეტიკოს 3 ვარჯიში გამოტოვა და სავარაუდოდ, მას ვარჯიშზე კიდევ დიდხანს ვერ ვიხილავთ.
მოგეხსენებათ, ზაფხულის სატრანსფერო ფანჯარაზე ატლეტიკომ ალვარესი ბარსელონაში არ გაუშვა, მიუხედავად იმისა, რომ ეს ფეხბურთელის დიდი სურვილი იყო.
ჯერჯერობით უცნობია, დარჩება თუ არა ალვარესი ატლეტიკოში. სატრანსფერო ფანჯრის დახურვამდე 4 დღეა დარჩენილი.
