ევროპული ლიგების ასოციაცია, ფეხბურთელების კავშირი Fifpro Europe და ლა ლიგა ფიფას ფიფას ევროპულ კომისიაში უჩივიან. მიზეზი - გადატვირთული კალენდარი 2025/26 წლების საფეხბურთო სეზონისთვის. როგორც ვიცით, მომავალი წლის 15 ივნისს დაიწყება მსოფლიო საკლუბო ჩემპიონატი, რომელიც ერთი თვე გაგრძელდება.
2026 წლის ზაფხულს კი საკლუბო სეზონის დასრულების შემდეგ, დაიწყება სანაკრებო მსოფლიო ჩემპიონატი, რომელიც ასევე ერთი თვე გაგრძელდება. შეგახსენებთ, რომ მუნდიალზე მონაწილეობას მიიღებს 48 ეროვნული გუნდი, მატჩების რაოდენობა გაიზრდება 64-დან 104-მდე, რაც კიდევ ერთხელ უსვამს ხაზს იმას, თუ როგორ იზრდება მოთამაშეების დატვირთვა.
აღნიშნული ინიციატივა უქმნის სერიოზულ საფრთხეს ფეხბურთელების ჯანმრთელობას და მიმდინარე სეზონმა უკვე აჩვენა, თუ რა სავალალო შედეგით შეიძლება დასრულდეს მოთამაშის გადატვირთულობა. თავად განსაჯეთ, საკლუბო სეზონი დაიწყო სულ რაღაც ცოტა ხნის წინ, მაგრამ ჯვარედინი მყესები უკვე 8 ფეხბურთელმა გაიწყვიტა.
ეს ყველაფერი იმის გათვალისწინებით, რომ ჯერ არ დაწყებულა არც საკლუბო და არც სანაკრებო მსოფლიო ჩემპიონატი. საფეხბურთო სამყაროში ტრიალებს მოსაზრება, რომ ორივე მუნდიალის ჩატარებამდე არაფერი შეიცვლება და უკვე დასრულების შემდეგ, შეცდომებზე მუშაობის პროცესი აუცილებლად იქნება.
