საქართველოს და რუმინეთის ამხანაგური მატჩის შემდეგ (1-1) გოლის ავტორმა, გიორგი ქვილითაიამ კომენტარი გააკეთა.
"რა თქმა უნდა დღევანდელი მატჩი ემოციური იყო, რადგან კაშოს ნაკრებიდან წასვლით ერთი დიდი ეპოქა დასრულდა და მოედანზე გასვლა არავისთვის იყო მარტივი. გუნდის ყველა წევრი ბოლომდე დავიხარჯეთ იმისთვის, რომ კაშო ისე გაგვეცილებინა, როგორც იმსახურებს."
"ბოლო წლებში ეროვნულ ნაკრებში ხშირად არ მიწევდა თამაში და რა თქმა უნდა ბედნიერი ვარ დღეს გატანილი გოლით — ნაკრების მაისურით გატანილ გოლზე მაგარი არაფერია" — გიორგი ქვილითაია.
მეორე ამხანაგურ მატჩს, საქართველოს ეროვნული ნაკრები 5 ივნისს, ისევ თბილისში, მიხეილ მესხის სახელობის სტადიონზე გამართავს.
