პირველად ჩვენი ქვეყნის ისტორიაში, საქართველო ფიგურულ ციგურაობაში გუნდურ ასპარეზობაში World Team Trophy-ზე მიიღებს მონაწილეობას.
ტურნირი ორ წელიწადში ერთხელ, იაპონიაში, ტოკიოში იმართება. საქართველოს ნაკრების წევრთა, საერთო შედეგების გათვალისწინებით, (გუნდის წევრთა 2025 წლის ევროპის, მსოფლიო ჩემპიონატებისა და გრან პრის სერიების საერთო შედეგები) 4 495 ქულით, შესაძლებელი გახდა ტურნირის საგზურის მოპოვება.
World Team Trophy-ზე სულ 6 ქვეყნის გუნდი მონაწილეობს. საქართველოს გარდა ტოკიოში დაგეგმილ შეჯიბრებაზე, ამერიკის შეერთებული შტატების, იაპონიის, კანადის, საფრანგეთისა და იტალიის ნაკრები გუნდები იასპარეზებენ.
World Team Trophy 17- 20 აპრილს ჩატარდება.
ისტორიაში პირველად - საქართველო ფიგურულ ციგურაობაში World Team Trophy-ზე იასპარეზებს
215188
