აზიის თასის ნახევარფინალში საინტერესო მატჩი ვიხილეთ - ფინალის საგზურის მოსაპოვებლად ერთმანეთს იორდანია და სამხრეთ კორეა დაუპირისპირდნენ. ფავორიტად, რა თქმა უნდა, სამხრეთ კორეის ნაკრები მიიჩნეოდა, რომლის ღირსებას ისეთი ფეხბურთელები იცავენ, როგორებიც არიან: სონ ჰინ-მინი (ტოტენჰემი), კიმ მინ-ჯე (ბაიერნი), ლიი კანგ-ინი (პსჟ) და ჰიი ჩან-ჰუანგი (ვულვზი), თუმცა ამის მიუხედავად, იორდანიის ეროვნულმა ნაკრებმა მეტოქეს ორი უპასუხო გოლი გაუტანა და ისტორიაში პირველად, ფინალის საგზურიც მოიპოვა.
ანგარიში მატჩის 53-ე წუთზე იაზან ალ-ნაიმატმა გახსნა, 66-ე წუთზე კი მუსა ალ-ტამარიმ საბოლოო ანგარიში დააფიქსირა. იორდანიის მხრიდან, სწორედ ეს ორი მოთამაშე იყო მთელი მატჩის განმავლობაში გამორჩეული. სამხრეთ კორეას მომენტები ჰქონდა, თუმცა რეალური და 100%-იანი საგოლე შანსი კლინსმანის გუნდს არ ჰქონია.
აზიის თასის ფინალში იორდანიის მეტოქე ირანისა და კატარის ნაკრებებს შორის გამარჯვებული იქნება. მატჩი დღეს, 7 თებერვალს, გაიმართება, თბილისის დროით 19:00 საათზე.
იორდანიამ სამხრეთ კორეა დაამარცხა და აზიის თასის ფინალში გავიდა
