უნგრეთში მიმდინარე ტურნირზე მოკლე პროგრამით ასპარეზობაში ქართველმა 67,47 ქულა დააგროვა, მეორე შედეგი დააფიქსირა და მცირე ვერცხლის მედალი მოიპოვა. შეჯიბრში 38 ქვეყნის 48 სპორტსმენი ასპარეზობს.
ქართველი ფიგურული მოციგურავე თავისუფალი პროგრამით იუნიორთა მსოფლიოს ჩემპიონატზე 1 მარტს წარდგება.
შეგახსენებთ, 15 წლის ინგა გურგენიძემ, საქართველოში გამართულ ევროპის ახალგაზრდულ ზამთრის ოლიმპიურ ფესტივალზე, 13 თებერვალს, მოიპოვა ოქროს მედალი, რაც ჩვენი ქვეყნისთვის ისტორიული შედეგია.
