21 წლის სპორტსმენს ჰკითხეს, თუ ვინ იყო მისი ინსპირაციის წყარო ჩოგბურთის გარეთ - მომღერალი, მსახიობი, მწერალი, პოეტი, თუ ვინმე სხვა. ალკარასის პასუხი იყო ასეთი: "რთული შეკითხვაა, მაგრამ თოფურიას დავასახელებ. დიახ, ჩემი ინსპირაციის წყარო სწორედ ის არის", - განაცხადა მან.
შეგახსენებთ, რომ ქართველი მებრძოლი ალექს ვოლკანოვსკის დამარცხებით 2024 წელს გახდა ქვემძიმე დივიზიონის ჩემპიონი, რამდენიმე თვის შემდეგ კი მან ქამარი მაქს ჰოლოუეის წინააღმდეგ დაიცვა. შერეული საბრძოლო ხელოვნებების სამყაროში ტრიალებს მოსაზრება, რომ 2024 წლის საუკეთესო მებრძოლი სწორედ ილია არის.
