ზლატან იბრაჰიმოვიჩმა მანჩესტერ იუნაიტედში გატარებული პერიოდი გაიხსენა. შეგახსენებთ, რომ ის პრემიერ ლიგაში 2016/2017 წლების სეზონში გადავიდა, 35 წლის ასაკში, უფასოდ. ყოფილმა შვედმა ფორვარდმა "წითელი ეშმაკების" შემადგენლობაში ჩაატარა 53 მატჩი და გაიტანა 29 ბურთი.
"მანჩესტერში ყველაფერი უჩვეულო იყო. მინდოდა დამეწერა საკუთარი ისტორია და არ მაინტერესებდა ის, თუ რა ხდებოდა ამ გუნდში ჩემს მოსვლამდე. ისინი გამუდმებით იხსენებდნენ კლას 92-ს, მაგრამ მსგავსი საუბრები საჩემო არ იყო. პატივს ვცემ მათ მიღწევებს, მაგრამ მოტივაციის მისაღებად იმ ყველაფრის გახსენება არ მჭირდებოდა.
არ ვგრძნობდი არაფერს განსაკუთრებულს, ალბათ იმიტომ, რომ იუნაიტედს არასდროს ვგულშემატკივრობდი. ამ გუნდში მე ჩემი გზა მქონდა. ბევრი ცინიკურად აღიქვამდა ჩემს ტრანსფერს, რადგან იმ დროისთვის 35 წლის ვიყავი, მაგრამ ეს ყველაფერი დამატებით სტიმულს მაძლევდა", - განაცხადა "წითელი ეშმაკების" ყოფილმა ფორვარდმა.
