2025 წლის სეზონის მთავარი ინტრიგა ფერარიში ლუის ჰამილტონის დებიუტი იქნება. 7 გზის მსოფლიო ჩემპიონმა 11 წლიანი კარიერის შემდეგ მერსედესი დატოვა და იტალიურ გუნდში გადაბარგდა.
აღსანიშნავია, რომ ჰიბრიდულ ერაში წლევანდელი სეზონი ბოლო იქნება და 2026 წლიდან ბოლიდები სრულად შიდა წვის ძრავაზე გადავლენ. გარდა ამისა, მომდევნო სეზონიდან ჩემპიონობისთვის 20-ის ნაცვლად 22 მრბოლელი იბრძოლებს.
მთავარი ფავორიტები
3 დღიან პრეტესტებზე გამოჩნდა, რომ სეზონის სტარტზე ყველაზე სწრაფი ბოლიდი კონსტრუქტორებში მოქმედ ჩემპიონს, მაკლარენს ეყოლება. ბრიტანული გუნდის ღირსებას კვლავ ლანდო ნორისი და ოსკარ პიასტრი დაიცავენ.
რა თქმა უნდა, ჩემპიონობის ერთ-ერთი მთავარი ფავორიტი 4-გზის მსოფლიო ჩემპიონი, მაქს ვერსტაპენი იქნება. 2024 წელს გამოჩნდა, რომ რედ ბულის სრული დომინაცია დასრულდა და ავსტრიული კლუბის მრბოლელებს გამარჯვებისთვის მაქსიმუმის გაკეთება მოუწევთ.
გასულ სეზონში, ფერარის კონსტრუქტორთა ჩემპიონობამდე მხოლოდ 14 ქულა დააკლდა და წელსაც იტალიური გუნდი ფავორიტებს შორის იქნება — განსაკუთრებით მას შემდეგ, რაც ჰამილტონი გადაიბირა. დიდ ოთხეულს კი მერსედესი დახურავს, რომელმაც 7-გზის ჩემპიონი ახალგაზრდა კიმი ანტონელით შეცვალა.
გუნდები და მრბოლელები:
მაკლარენი — ლანდო ნორისი & ოსკარ პიასტრი
ფერარი — შარლ ლეკლერი & ლუის ჰამილტონი
რედ ბული — მაქს ვერსტაპენი & ლიამ ლაუსონი
მერსედესი — ჯორჯ რასელი & კიმი ანტონელი
ასტონ მარტინი — ფერნანდო ალონსო & ლანს სტროლი
ალპინი — პიერ გასლი & ჯეკ დოჰანი
ჰაასი — ესტებან ოკონი & ოლივერ ბირმანი
რეისინგ ბულსი — იუკი ცუნოდა & ისაკ ჰადიარი
კიკ ზაუბერი — ნიკო ჰულკენბერგი & გაბრიელ ბორტოლეტო
უილიამსი — ალექსანდერ ალბონი & კარლოს საინსი
2025 წლის ბოლიდები
2025 წლის სეზონის კალენდარი10 works of art to savour in 2025 🤤#F1 #F175LIVE pic.twitter.com/ywItexAbZa
— Formula 1 (@F1) February 19, 2025
ფორმულა 1-ის 2025 წლის სეზონის პირველი რბოლას ტრადიციულად ავსტრალია უმასპინძლებს — გრან პრი ხვალ, პრაქტიკებით დაიწყება, შაბათს კვალიფიკაცია ჩატარდება, ხოლო კვირას რბოლა გაიმართება. სინოპტიკოსები წვიმიან გრან პრის პროგნოზირებენ, რაც რბოლას კიდევ უფრო სანახაობრივს გახდის.
