აზერბაიჯანის დედაქალაქ ბაქოში სტარტი აიღო 2026 წლის მსოფლიოს ჩემპიოანტმა ძიუდოში, სადაც მონაწილეობას საქართველოს ნაკრებიც იღებს.
პირველ საჭიდაო დღეს, საქართველოს ნაკრების ღირსება 60 კგ წონით კატეგორიაში გიორგი სარდალაშვილმა დაიცვა და ბრინჯაოს მედლის მოპოვება მოახერხა.
23 წლის ქართველმა ძიუდოისტმა 1/4 ფინალამდე ორი ორთაბრძოლა მოიგო და შემდეგ, მოქმედ მსოფლიო ჩემპიონთან, იაპონელ ნაგაიამასთან დამარცხდა და რეპეშაჟში გადაერთო. რეპეშაჟში ჯერ ფრანგი ვალადიე პიკარი დაამარცხა, ხოლო შემდეგ ტაიპეელ იანგს მოუგო და ბრინჯაოს მედლის მფლობელი გახდა.
აღსანიშნავია, რომ გიორგი სარდალაშვილს კარიერაში უკვე 3 მსოფლიო ჩემპიონატის მედალი აქვს — 1 ოროს და 2 ბრინჯაოს. ხვალ კი საქართველოს ნაკრების ღირსებას 66 კგ წონით კატეგორიაში ვაჟა მარგველაშვილი დაიცავს და პირველ ორთაბრძოლაში მასპინძელ იმრანოვს დაუპირისპირდება.
