კონფერენს ლიგის საკვალიფიკაციო ეტაპზე დინამო ბათუმი საკუთარ მოედანზე დეჩიჩს დაუპირისპირდა და 0:2 დამარცხდა.
მატჩის შემდეგ კომენტარი ბათუმელთა უკრაინელმა დამრიგებელმა ანდრიი დემჩენკომ გააკეთა.
"მატჩის წინ, ქალაქში ყველა ეიფორიაში იყო და ყველას ეგონა, რომ ბათუმი ამ მატჩს ადვილად მოიგებდა, რაც ასე არ არის. კონფერენს ლიგაზე და ევროტურნირებზე ადვილი მეტოქე არ არსებობს და ადვილად ვერცერთ ბარიერს ვერ დაძლევ.
ზოგადად, გეტყვით, რატომ აგებენ ქართული გუნდები ევროტურნირებზე. დინამო თბილისიც კარგი გუნდია, ჩვენც კარგი გუნდი ვართ, თუმცა როცა სუსტ მეტოქეს ვხვდებით, მათ სათანადოდ არ ვაფასებთ და გვგონია, რომ მარტივად მოვიგებთ, ეს სუფთა ფსიქოლოგიური მომენტია. ძლიერ გუნდს როცა ვხვდებით, პირიქითაა. მაგალითად აიღეთ, ლუდოგორეცთან მატჩი, როემლიც საშინაო არენაზე უმაღლეს დონეზე ჩავატარეთ.
დეჩიჩს ბევრს ვუტევდით, თუმცა მომენტების რეალიზება დაგვაკლდა, სანაცვლოდ კი 2 გოლი მივიღეთ. ვფიქრობ, მომენტების გამოყენება ჩვენი პრობლემაა და უნდა გამოვასწოროთ", - განაცხადა დემჩენკომ.
"გეტყვით, რატომ აგებენ ქართული კლუბები ევროტურნირებზე", - დინამო ბათუმის მწვრთნელი
