ტონი კროოსმა განიხილა, თუ რა არის მისი აზრით, პარის სენ-ჟერმენის წარმატების საიდუმლო. ვეტერანმა ფეხბურთელმა ხაზი გაუსვა იმ ფაქტს, თუ როგორი ჯანსაღი ატმოსფეროა შექმნილი პსჟ-ში ლუის ენრიკეს დახმარებით. გერმანელმა ექს-ფლეიმეიქერმა მაგალითისთვის უსმან დემბელეს მოედნიდან გასვლა მოიყვანა.
"ბაიერნისა და პარის სენ-ჟერმენის უპრინციპულესი მატჩის 65-ე წუთზე ენრიკეს მოედნიდან გაყავს ოქროს ბურთის მფლობელი ფეხბურთელი, დემბელე. ის მშვიდად გადის, ხელს ართმევს ლუჩოსა და თანაგუნდელებს ამხნევებს...ჯანსაღი გუნდური ატმოსფერო სწორედ ასეთი არის.
რატომ შეცვალა პსჟ-ს მწვრთნელმა უსმანი? ის დაიღალა, ამის გარდა, იმ საღამოს კვარაცხელია და დუე უკეთესად თამაშობდნენ - ესეც ნორმალურია. თანამედროვე ფეხბურთის ვარსკვლავთა 90% ფრანგი ფორვარდის ადგილას ღიად გამოხატავდა უკმაყოფილებასა და სათადარიგოთა სკამზე გაბრაზებული იჯდებოდა.
ამ გუნდში სულ სხვაგვარი სიტუაციაა და ეს პირველ რიგში ესპანელი მწვრთნელის დამსახურება არის. მან შექმნა ნამდვილი ერთიანი მექანიზმი, რომლის შეჩერების მეთოდი ჯერ არავის მოუფიქრებია", - განაცხადა მადრიდის რეალის ექს-ფლეიმეიქერმა.
