დღეს მე-2 მედალი მოიპოვეს ქართველმა ბერძნულ-რომაული სტილით მოჭიდავეებმა ევროპის ჩემპიონატზე.
გელა ბოლქვაძე (82 კგ) ბრინჯაოსთვის გადამწყვეტ შეხვედრაში სომეხ სამველ გრიგორიანს დაუპირისპირდა და 3-1 გაიმარჯვა.
ბერძნულ რომაული სტილით მოჭიდავეებმა, ევროპირველობაზე ჯამში 4 მედალი მოიპოვეს, ჯონი ხეცურიანმა (67 კგ), გელა ბოლქვაძემ (82 კგ) და 17 წლის ვახტანგ ლოლუამ (55 კგ.) ბრინჯაოს მედლები დაისაკუთრეს, რამაზ ზოიძემ (77 კგ) კი ვერცხლი მოიპოვა.
შეგახსენებთ, სლოვაკეთში გამართულ ევროპის ჩემპიონატზე ქართველმა თავისუფალი სტილით მოჭიდავეებმა 5 მედალი მოიპოვეს და გუნდური მეორე ადგილი დაიკავეს. გივი მაჭარაშვილმა ჩემპიონობა იზეიმა, სოლომონ მანაშვილი (125 კგ.) ვერცხლის პრიზიორი გახდა, ბრინჯაოს მედლები კი მირიან მაისურაძემ (92 კგ.) აკაკი ქემერტელიძემ (70 კგ.) და ვლადიმერ გამყრელიძემ (79 კგ.) დაისაკუთრეს.
