As-ის მტკიცებით, უკმაყოფილებას არ მალავს ჯუდ ბელინგემიც, რომელიც არ ეთანხმება იმ ყველაფერს, რასაც კარლო ანჩელოტი "ბლანკოსში" აკეთებს. ბერნაბეუზე ფრანგი ფორვარდის მისვლით, იტალიელმა სპეციალისტმა შეზღუდა ინგლისელი გამთამაშებლის შემტევი პოტენციალი, რის შედეგადაც მან სიღრმეში ჩამოიწია.
რეალის შემტევ ნახევარმცველს კვლავ სურს თავდამსხმელების უკან თამაში და გოლების გატანა, თუმცა არსებული ტაქტიკით ეს ამ ეტაპზე შეუძლებელია. მადრიდელთა სპეციალისტი თავის მხრივ გამორიცხავს კონფლიქტის არსებობას და ხაზს უსვამს იმ ფაქტს, თუ როგორი მნიშვნელოვანია 21 წლის გამთამაშებელი გუნდისთვის.
