სპორტულ წყვილებში, ანასტასია მეტელკინამ და ლუკა ბერულავამ მესამე ადგილი დაიკავეს და შესაბამისად, ბრინჯაოს მედალს დაეუფლნენ.
წყვილმა მოკლე პროგრამა 57,03 ქულით მეცხრე ადგილზე დაასრულა, თავისუფალ პროგრამაში კი 134,85 ქულა დააგროვა და ორი პროგრამის შედეგად 191,88 ქულით საპრიზო ადგილზე გავიდა.
ლუკა ბერულავასა და ანასტასია მეტელკინას წყვილმა შარშან, ევროპის ჩემპიონატზე ვერცხლის მედალი მოიპოვა. აღნიშნული შედეგით, ლუკა და ანასტასია პირველი სპორტულ წყვილია საქართველოდან, რომელმაც ევროპის ვიცე-ჩემპიონის ტიტულის მოპოვება შეძლო.
შეგახსენებთ, ესტონეთის დედაქალაქში მიმდინარე კონტინენტის პირველობაზე მოკლე პროგრამაში ანასტასია გუბანოვამ მცირე ოქროს მედალი, ნიკა ეგაძემ კი მცირე ვერცხლის მედალი მოიპოვა. ანასტასია თავისუფალ პროგრამაში 31 იანვარს, ნიკა კი 1 თებერვალს იასპარეზებს.
შეგახსენებთ, ესტონეთის დედაქალაქში მიმდინარე კონტინენტის პირველობაზე მოკლე პროგრამაში ანასტასია გუბანოვამ მცირე ოქროს მედალი, ნიკა ეგაძემ კი მცირე ვერცხლის მედალი მოიპოვა. ანასტასია თავისუფალ პროგრამაში 31 იანვარს, ნიკა კი 1 თებერვალს იასპარეზებს.
