"არის დღეები, რომელიც სამუდამოდ დაგამახსოვრდება და ჩემთვის ასეთია პირველი დღე ფერარის მრბოლელის სტატუსით. კარიერის განმავლობაში ბევრ წარმატებას მივაღწიე, მაგრამ წითელი ბოლიდის მართვაზე ყოველთვის ვოცნებობდი და ბედნიერი ვარ, რომ დღეს ეს ოცნება ავიხდინე. დღეს ამ ისტორიული გუნდისთვის ახალი ერა იწყება და მოუთმენლად ველოდები იმ ისტორიას, რასაც ჩვენ ერთად დავწერთ" — ლუის ჰამილტონი.
ლუის ჰამილტონის კარიერა ფორმულა 1-ში 2007 წელს, მაკლარენის რიგებში დაიწყო და სადებიუტო სეზონში ვიცე-ჩემპიონი გახდა. მომდევნო წელს კი ბრიტანელმა მრბოლელმა პირველობა არავის დაუთმო და ჩემპიონის სტატუსი მოიპოვა. 2013 წელს, ჰამილტონმა მაკლარენი დატოვა და მერსედესში გადავიდა, სადაც ფორმულა 1-ის ახალი ისტორიის წერა დაიწყო. 2020 წელს, მან მე-7 ტიტული მოიპოვა და ლეგენდარული მიხაელ შუმახერის რეკორდი გაიმეორა.
2025 წლის ფორმულა 1-ის სეზონი, რომელიც ლუის ჰამილტონისთვის ფერარის რიგებში სადებიუტო იქნება, სტარტს 16 მარტს ავსტრალიაში აიღებს და 7 დეკემბერს აბუ დაბიში დასრულდება. ბრიტანელი მრბოლელის თანაგუნდელი იტალიური გუნდში შარლ ლეკლერი იქნება.
