26 წლის მრბოლელმა სტარტი მე-4 პოზიციიდან აიღო, თუმცა, სწორი ტაქტიკის და უშეცდომოდ ჩატარებული რბოლის შემდეგ, პირველი ადგილი დაიკავა.
მეორე პოზიციაზე მაკლარენის ავსტრალიელი პილოტი, ოსკარ პიასტრი გავიდა, ხოლო კვარცხლბეკზე მესამე ადგილზე ლანდო ნორისი ავიდა, რომელმაც გუშინ კვალიფიკაცია მოიგო.
იტალიის გრან პრის ტოპ 10:
იტალიის გრან პრის შემდეგ, სატურნირო ცხრილში მდგომარეობა კიდევ უფრო დაიძაბა — პირველ ადგილზე კვლავ მოქმედი ჩემპიონი, მაქს ვერსტაპენია, თუმცა, ლანდო ნორისი მას უკვე 62 ქულამდე მიახლოვდა და წინ ჯერ კიდევ 8 რბოლაა ჩასატარებელი.
კონსტრუქტორთა დავაში კი სამი გუნდი იბრძვის ჩემპიონობისთვის და ამ ეტაპზე 446 ქულით ლიდერი რედ ბულია. მაკლარენი მეორე ადგილზეა და ავსტრიულ გუნდს მხოლოდ 8 ქულით ჩამორჩება. ფერარიმ კი 407 ქულის მოგროვება მოახერხა და მესამე პოზიციას იკავებს.
ფორმულა 1-ის 2024 წლის სეზონის მომდევნო, მე-17 გრან პრი აზერბაიჯანში 15 სექტემბერს გაიმართება.
