"კვარაცხელიას ახალი კონტრაქტი? ამაზე უკვე დიდი ხანია რაც პრესაში საუბრობენ. სიმართლეა, რომ მხარეებს შორის ახალ კონტრაქტზე მუშაობა დაწყებულია. დეტალებზე ვერაფერს გეტყვით, რადგან ეს ჩემი საქმე არ არის.
მე შემიძლია იმის თქმა, რომ ხვიჩა აგრძელებს იმის კეთებას, რაც ყველაზე კარგად გამოსდის. ის სერიოზული და სამაგალითო პროფესიონალია და ამ სეზონზე უნდა იყოს ორიენტირებული. იმედი მაქვს, რომ მომავალში ყველაფერი დალაგდება და მხარეებს შორის შეთანხმება შედგება, მაგრამ ისიც კარგად ვიცი, რომ ფეხბურთში ყველაფერი შეიძლება მოხდეს.
უნდა შედგეს ისეთი შეთანხმება, რომელიც დააკმაყოფილებს ყველა მხარეს. მომდევნო წლებზე საუბარს არ დავიწყებ, ჩემთვის მნიშვნელოვანი ეს სეზონია და იმედია ხვიჩა სეზონის ბოლომდე ნაპოლის მაისურისთვის ყველაფერს გააკეთებს. ის უნდა იყოს ორიენტირებული ფეხბურთის თამაშზე. მე არ ვღელავ მის კონტრაქტთან დაკავშირებით."
რაც შეეხება ხვიჩა კვარაცხელიას ახალ კონტრაქტს, LaGazzetta.ge-ს ინფორმაციით, მამუკა ჯუღელი იტალიაში იმყოფება, სადაც კონტრაქტის გახანგრძლივებასთან დაკავშირებით ნაპოლის უფროსობასთან მოლაპარაკებებს აწარმოებს. ჩვენი ინფორმაციით, "პარტენოპეი" ქართველ ფეხბურთელს ხელფასის სახით წელიწადში €5-6 მილიონს სთავაზობს, ჯუღელი კი €8 მილიონს ითხოვს.
იხილეთ ჩვენი პოდკასტის მორიგი ეპიზოდი
