ფრანგული გამოცემა პირველ მიზეზად ასახელებს იმ ფაქტს, რომ ოლიმპიკის თავდამსხმელმა როგორც იქნა გაიაზრა იმ მაღალი სტანდარტების მნიშვნელობა, რასაც მისი მშობლიური კლუბი ითხოვს. მე-2 ფაქტორი არის ის ქიმია, რომელიც 24 წლის ფორვარდსა და საიდ ბენრაჰმას შორის დამყარდა. ფრანგული პრესა რონელთა 69-ე ნომერსა და ალჟირელ ვინგერს შორის მეგობრობას "ბრომანსს" უწოდებს.
აღსანიშნავია, რომ მიმდინარე სეზონში, მიქაუტაძემ "ლომების" გარემარბის გადაცემებით ორი გოლი გაიტანა. ამის გარდა, 20 ოქტომბერს, ლე ავრთან შეხვედრაში ქართველი ფორვარდის პასით უკვე 29 წლის ვინგერმა გაიტანა. ეს იყო ახალგაზრდა შემტევის პირველი შედეგიანი მოქმედება გრუპამაზე დაბრუნების შემდეგ.
